علشان (منى) اللي عدت التلاتين ولسه ماتخطبتش، رغم إنها أمورة ومؤدبة بشهادة الجميع.
علشان (سهى) اللي عصرت على نفسها لمونة واتخطبت سنتين لواحد حفي وراها، ورغم كده هو اللي سابها.
علشان (تقى) اللي اكتشفت بعد شهر جواز إنها اتجوزت واحد غير اللي كانت تعرفه.
علشان (نهى) اللي جوزها خانها بعد ١٠ سنين احترام وإخلاص وحب وهيام.
علشان منى وسهى وتقى ونهى، وغيرهم من البنات اللي فشلوا يحلوا شفرة الراجل.. علشانكم قررت أعمل زي رامز وأبيع أصحابي – جنس الرجالة كله – وأكشف أسرارهم.
